Ráđđehusadvokáhtta Ida Thuel oanehaččat kommentere ahte Eanandoallo- ja biepmodepartemeanta oaivvilda ahte boazologu mearrádus lea lobálaš ja ahte mearrádus čuovvu álbmotrievtti.
‑ Eambbo ii hálit departemeanta kommenteret, go ášši lea dikkevuogádaga meannudeamis, lohká Ida Thue vuosttaš bottus.
Iige kommentere
Eanandoallo- ja biepmodepartemeantta senoirráđđeaddi Sunna Pentha čuovvo dikki, mhto ii son ge hálit kommenteret ášši ja čujuha advokáhta Ida Thue vástádussii.
Dál lea Jovsset Ánte Sara advokáhtta Trond Biti iežas álgosártni doallamin. Dál lea muitaleamen man ollu orohaga siidaeaiggádat leat ceggen ealu ovdal go geahpedanproseassa álggahuvvui.