Muhtin biila lei vuodján badjel luotta ja geavvan johkii Bissojogas. Biillas ledje guokte olbmo, ja soai čuoččuheigga ahte eaba lean ieža vuodján biilla, muhto politiijat eai aŋkke jáhke sudno čilgehussii.
Muhtin biila lei vuodján badjel luotta ja geavvan johkii Bissojogas. Biillas ledje guokte olbmo, ja soai čuoččuheigga ahte eaba lean ieža vuodján biilla, muhto politiijat eai aŋkke jáhke sudno čilgehussii.
Dat guoktása leaba vehá roasmmohuvvan ja leaba ožžon divššu báikkis. Politiijat leat geahččalan gávnnahit mii lea duođas dáhpáhuvvan Bissojogas Porsáŋggus.
Dušše guovttis biillas
Diehtu maid heahteveahkit ožžo diibmu 19.37 ievttá eahkeda, lei ahte goalmmát olmmoš lei guođđán lihkohisvuođabáikki. Politiijat eai jáhke ahte ledje eambbo olbmot lihkohisvuođas go dat guovttis. Buollinčáskadanveahka lea maid iskan ja gávnnahan ahte biila lea guorus.
– Ii leat ágga jáhkkit ahte ledje eambbogat dan biillas, muitala Finnmárkku politiijaguovllu operašuvdnajođiheaddji Geir Roar Nesbø NTB:i.
Politiijat eai jáhke olbmáguoktái
Gaskaijaáigge dieđihedje politiijat Twitteris ahte eai leat gávdnan ovttage gii lei dieđihuvvon lahppon dahje roasmmohuvvan, ja ahte dutkan orro čájeheame ahte ledje dušše guokte olbmo biillas.
– Mii navdit ahte juobbá sudnos lea vuodján biilla gárrenoaivvis, muitala operašuvdnajođiheaddji Bjørn Gunnar Johnsen iFinnmarkii.
Son lasiha ahte heahteveahkit fertejit bargat dan vuosttaš dieđiheami vuođul.
(©NTB)
