Deanu sátnejođiheaddji háliida fámohuhttit njuorjoráfáidahttima Deanunjálmmis.
Deanunjálbmi šattai jagi 1991 luonddureserváhttan, ja dan rájes lea njuorjonálli lassánan ja šaddan hástalussan luossanállái. Ovdal lei lohpi bivddit njuorjjuid, ja nállelohku doalahuvvui gaskal 12–15. Dál galget leat moaddečuođi njuorjju Deanunjálmmis, čállá Klassekampen.
– Mii háliidat halddašit joga báikkálaččat, dat guoská maid njuorjjuid vearuhussii ja eará luossapredáhtoriidda. Finnmárkulágas rahppo dakkár vejolašvuohta ahte halddašit joga báikkálaččat, dadjá Deanu sátnejođiheaddji Helga Pedersen .
Deanučázádat lea okta Eurohpá deháleamos luossajogain ja lea ge dehálaš Davvi-Atlántta luossanáli seailluheapmái. Maŋimuš guokte jagi ii leat leamašan lohpi bivdit luosa Deanučázádagas go luossanálli lea nu hedjonan. (NTB)
