-Almmuhus-
-Almmuhus-
-Almmuhus-
KULTUVRAČuđegieddilaš almmuha goalmmát skearru

Čuđegieddilaš almmuha goalmmát skearru

-

-

Viktor Wilhelmsen lea ovdalaččas almmuhan guokte skearru eaŋgalasgillii, ja dál lea gearggus almmuhit skearru, «Stjolne mea», mas lávlu dárogillii.

Viktor Wilhelmsen ii leat dušše čeahppi čuojahit gitára, muhto son lea maid čeahppi dahkat lávlagiid ja lávlut.

Odne almmuha čieža ođđa lávlaga mat speadjalastet su oktavuođa lundui – erenoamážit merrii – ja su mánnávuhtii go šattai bajás unna gilážis Finnmárkkus.

 

Čiegus guollebivdinbáikkit

Viktor Wilhelmsen

Čuđegiettis eret, Porsáŋggu gielddas.

 

Almmuhan skearruid:

EP «Miles To Go Before I Sleep» 2014.

Olles skearru «Riddles and Rhymes» 2015.

Olles skearru «Stjolne mea» 2017

 

Neahttasiidu:

www.viktorwilhelmsen.com

Sii geat eai leat bajásšaddan guolásteaddji bearrašis, soitet dárbbašit čilgehusa maid «stjolne mea» mearkkaša.

– ‘Mea’ lea mihtidančuokkis dahje koordináhtat gos gávnnat guollebivdinsajiid. Dakkár vugiid mielde dihte gos sii ledje dološ áiggi. Guolásteddjiin ledje girjjit masa čálle dáid báikki koordináhtaid. ‘Mea’ sáhtii leat čiegusvuohtan, ja sáhtii maid earáide leat árbin. Muhtimat sáhtte goarrut dan girjji jápmán guolásteaddji báiddi sisa, muitala Wilhelmsen.

 

Seammalágan eallinvuogit

Viktor lohká persovnnalaččat oaivvildit ahte leat ollu paralleallat gaskal guolásteaddji ja musihkkára eallinvugiin, vaikko orrot leamen iešguđetlágan eallinvuogit.

– Sátnevajahas ‘stjolne mea’ lea čilgehus mii bures govahallá maid oaivvildan. Soaittát sáhttit suoládit ‘mea’, muhto fertet aŋkke ieš bivdit daid guliid – seammá ládje go lávlladahkkit sáhttet ollu suoládit eará lávlladahkkiin, muhto sii fertejit aŋkke ieža čállit lávlaga, čilge Viktor.

Odne lea almmuhankonsearta Krøsset báikkis Oslos, ja musihkkárat su ođđa skearrus leat Mattis Kleppen – bass, Kenneth Kapstad – rumbbut ja Bjørn Ola Ramfjord Johansen – orgel.

Gula ođđa skearru dás:

 

-Almmuhus-