Olmmoš njoammudii covid-19 lagas olbmui.
Mátta-Várjjaga gielda dieđiha gieldda neahttasiidduin ahte ovtta suohkanbargis lea čájehuvvon covid-19. Son bargá dearvvašvuođasuorggis, muhto ii leat barggus leamaš. Son lea lagas olmmoš olbmui geas čájehuvvui covid-19 mannan vahkku, ja lea ieš mannan erremii.
– Njoammunguorahallanjoavku gávnnahii dan go čađahedje njoammunguorahallama. Dat njoammun mii mis dál lea gielddas, dan mii diehtit gos lea boahtán. Mii čađahit dábálaš njoammunguorahallama, dadjá njoammuneastadandoavttir Drude Bratlien gieldda dieđuid mielde.
Gielda ii loga olbmuid dárbbašit váldit oktavuođa. Suohkan ieš váldá oktavuođa jus navdet muhtuma lagas olbmožin sutnje.
