-Almmuhus-
-Almmuhus-
OĐĐASATCovid-19 jápmin­logut leat vuollin

Covid-19 jápmin­logut leat vuollin

-

-

Go pandemiija dieđihuvvui máilmmis, váruhedje mihá eambbosiid jápmit koronain. Norggas leat logut leamaš hui vuollegis dásis. 

Ođđa logut čájehit ahte korona lea njommon ollu unnit olbmuide Norggas go dat logut maid máilmmi dearvvašvuođaorganisašuvdna WHO rehkenastá njoammuma globála dásis. 

Gaskkamuttus cuoŋománu dieđihii WHO ahte guhtta proseantta sis geaidda dát virus lei njommon, ledje jápmán. Norggas lei lohku 2,62 proseantta vahkku maŋŋel.

Dál orru jápminproseanta dušše 0,2 proseantta, čállá Aftenposten

Unnán njommon

Varraiskosat, maid leat váldán measta 400 olbmos Oslo guovllus, čájehit ahte unnit go guoktásis juohke čuođi olbmos leat antiávdnasat koronavirusa vuostá.

Dat čájeha ahte dávda lea njommon dušše unna oasážii álbmogis, čállá Álbmotdearvvašvuođainstituhtta (FHI) artihkkalis.

– Dat mearkkaša ahte eai leat stuora sevdnjeslogut, dadjá professor ja immunoligiija ja transfusjonmedisiinnalaš ossodaga jođiheaddji John T. Vaage Oslo universitehtabuohcceviesus aviisii. Sii vurdet ain oažžut iskanbohtosiid ovdal go dárkilit sáhttet muitalit gallásii lea njommon, muhto jus dušše guovtti prosentii lea leamaš njommon, de mearkkaša ahte dušše 107 000 olbmos lea leamaš virus Norggas.

Norgga oppalaš lohku lea jáhkkimis vel unnit, go dát logut bohtet Oslos. 

©NTB)

-Almmuhus-