Okta olmmoš Girkonjárgga buohcciviseus lea ožžon duođaštuvvon koronadávdda.
Mannan vahkku šattai okta pasieanta buohccevissui gos váruhedje sutnje njommon koronadávdda. Lávvordaga bođii vástádus iskosis mii duođaštii ahte pasieanttas lea Covid-19.
Personsuodjalusa ja jávohisvuođageasku geažil ii sáhte Finnmárkku buohcceviessu addit eanet dieđuid pasieantta birra, čállá Finnmárkku buohcceviesu gulahallanhoavda Eirik Palm preassadieđáhusas.
Finnmárkku buohcceviesus leat dál guokte pasieantta geain lea Covid-19 dávda. Nubbi lea Girkonjárgga buohcceviesus ja nubbi lea Hámmárfeastta buohcceviesus.
