-Almmuhus-
OĐĐASATCovid-19 duođaš­tuvvon Porsáŋggus

Covid-19 duođaš­tuvvon Porsáŋggus

-

-

Olmmoš geasa lea njommon korona Porsáŋggus, lea isolašuvnnas iežas ruovttus. 

Porsáŋggu gielda dieđihii gaskavahku golggotmánu 14. beaivvi ahte ovtta olbmos sin gielddas lea duođaštuvvon covid-19 dávda. Dat olmmoš lea isolašuvnnas ruovttustis ja dearvvašvuođabargit čuovvolit su dili.

Dát njoammun lea dáhpáhuvvan mátkki oktavuođas muhtin rukses riikkas.

Ovtta oahppis 10. luohkás Leavnnja nuoraidskuvllas lea lagas oktavuohta suinna geasa dávda lea njommon. Dál bidjet johtui doaimmaid skuvllas ja skuvla galgá ikte eahkes juo váldán oktavuođa eará ohppiid ovddasteddjiiguin dahje váhnemiiguin. 

Gielda lea guorragoahtán njoammuma, ja dieđiha olbmuide geat galget leamaš dán olbmo lahka. Doaibmi sátnejođiheaddji buktá eambbo dieđuid odne diibmu 11.15, čállet preassadieđáhusas. 

 

-Almmuhus-