Kárášjogas lea ovtta olbmos duođaštuvvon covid-19 (korona) PCR iskosa bokte.
Ikte, duorastaga, dieđihii Kárášjoga gielda ahte ovtta olbmos lea duođaštuvvon korona PCR iskosa bokte. Dat olmmoš lea erremis ja gielda lea bidjan johtui njoammuneastadandoaimmaid ja njoammunguorrama. Olmmoš geas lea dávda leamašan mátkkis olgoriikkas.
Váruhit vel nuppi olbmos covid-19
Lassin lea vel váruhus ahte nuppi olbmos lea covid-19, go jođánisiskkus čájehii positiiva iskosa. Dat olmmoš lea maid erremis dassái go oažžu PCR-iskosa vástádusa. Kárášjoga gielda lea maid dan oktavuođas bidjan johtui njoammuneastadandoaimmaid ja njoammunguorrama.
– Mii ávžžuhat gieldda ássiin leat vuollegis ráji iskahit iežaset jus leat dávdamearkkat, čállá Kárášjoga gielda.
