Niehttepáhkkii oainnat ii leat merkejuvvon ahte dain lea vuostá.
Coop čállá preassadieđáhusas ahte gesset ruovttoluotta chilinihtiid. Daidda lea seaguhuvvon vuostá, muhto dat ii leat merkejuvvon páhkkii. Matportalen čállá ahte dát sáhttá riskan olbmuide geat eai gierdda mielkki.
– Lea dehálaš deattuhit ahte ii mihkkege leat boastut buktagiin, muhto ahte dát sáhttá čuohcat olbmuid dearvvašvuhtii jus ii gierdda mielkki. Buktaga sisdoallolistui oainnat ii leat čállojuvvon ahte nihtiin lea mielki ja laktosa, lohká Coop Norgga gulahallanhoavda Harald Kristiansen preassadieđáhusas.
Coop Chiliniehtit 200g bussiide lea merkejuvvon ahte dáid berre borrat ovdal 04.09.22. Daid nihtiid leat vuovdán Coop Obs, Coop Mega, Extra, Prix, Matkroken ja Coop Marked gávppiin. Nihtiid lea vejolaš máhcahit buvdii. Kundarat ožžot ruđa ruovttoluotta.
