Coop duođašta ahte leat gávdnan salmonella ovtta biergodáigeoasis mii boahtá gusas. Coop ii jáhke ahte okta ge lea buohccán dainna.
Veterinearainstituhtta lea čađahan dárkkistemiid ja leat konkluderen gávdnosiid, Nationen dieđuid mielde.
Buvtta mas gávdnui salmonella lea Coop karbonádadáigi, mii lea gusa millejuvvon biergu, 400 grámma ja mas lei dáhton 06.09.2019.
Borgemánu 23.beaivvi gohčui Coop iskat biergo- ja karbonádadáiggiid maid Flatland Ølen lea buvttadan. Duogáš lei salmonella várohus.
Salmonella lea okta dain eanemus dábálaš čoavje- ja čoalleinfekšuvnnain mii gávdno. Njoammun boahtá dábálaččat biepmogálvvuin, eandalit biergobuktagiin, ja dávda mielddisbuktá luhčadávdda ja čoavjebákčasa.
(©NTB)
