Unjárggas leat buot listtut dál čoahkkanan Capri boradanbáikái čuovvut válgabohtosiid.
Unjárggas leat buot listtut dál čoahkkanan Capri boradanbáikái čuovvut válgabohtosiid.
Otne eahkedis čoahkkanit buot njeallje gielddaválgalisttu Unjárggas Capri boradanbáikái Vuotnabahtii. Boradanbáikki eaiggát Deniz Bardaksi čilge duogáš bovdehussii lea go háliida soabalašvuođa ja ovttasbarggu boahtte válgaáigodahkii.
– Mu mielas lei lunddolaš bovdet buohkaid, ja mu mielas lea dehálaš doalahit ráfi ja ovttasbarggu bellodagaid gaskka, čaimmiha son.
Buohkain galggašii leat somá
Deniz Bardaksi lohká su mielas lea dehálaš ahte buohkat leat ovttas, galgá šaddat somás ja hávskes eahkedin.
– Boahtte njealji jagi politihkka álggahuvvo dáppe, ja dat lea mu mielas somá. Mis lea buohkain seamma áigumuš gildii, ja nu lei lunddolaš ahte mun bovden sin deike, lohká boradanbáikki eaiggát.
Sullii diibmu 21 ilbmet Unjárgga bohtosat.
