-Almmuhus-
Fovsen-miellačájeheamitČohkken badjel 800 000 ruvnnu akšonisttaide

Čohkken badjel 800 000 ruvnnu akšonisttaide

-

-

Ruđat geavahuvvojit gokčat sáhkuid , biepmu ja mátkkiid. 

Natur og Ungdom lea ásahan ruhtačoaggima Facebooka neahttabáikki bokte. Dássážii leat olbmot skeŋken akšonisttaide badjel 800 000 ruvnnu.

– Ruđat geavahuvvojit gokčat sáhkuid, biepmu ja mátkkiid. Mii dárbbašit maid banneriid ja eará dávviriid čađahan dihte miellačájehemiid. Mearehis olu olbmot dorjot dán barggu ruđalaččat, lohká Natur og Ungdom jođiheaddji Gina Gylver VG aviisii. 

Politiijat gudde nuoraid eret departemeantta lanjain vuossárgga čuovganeapmái ja maŋŋebárgga leat guoddán akšonisttaid eret go leat gidden departemeanttaid. Akšonisttat váidojuvvojit ja sáhkohallet. 

– Buohkat geat akšonerejit dihtet ahte dás sáhttet váikkuhusat, lohká Gylver. 

-Almmuhus-