-Almmuhus-
-Almmuhus-
OĐĐASATČogget ruđa dutkat váráleamos borasdávddaid

Čogget ruđa dutkat váráleamos borasdávddaid

-

-

Borasdávdasearvvi ruhtačoagginakšuvdna lea dán jagi borasdávddaid váste maid olbmot eai báljo ceavzze

Borasdávdasearvi áiggošii sihke buoridit dutkama ja addit buoret fuolahusfálaldagaid buhcciide ja sin oapmahaččaide.

Mihttu livččii čohkket 45 miljovnna ruvnno.

 

Muhtin borasdávddain váivves logut

Juohke jagi ožžot 34 000 norgalačča borasdávdda. Dat mearkkaša 90 olbmo juohke beaivvi.

Logi olbmos, geat ožžot borasdávdda dán áigge, cevzet gal čiežas.

Muhto loguid duohken leat goitge stuora erohusat. Leat ain máŋga borasdávdda maid eai gallis ceavzze, nu go geahpesborasdávda man eai ceavzze go guovttis juogi logi olbmos, ja maiddái borasdávda čoavječolgarávssás, man ceavzá unnit go okta juohke logi olbmos.

Leat máŋga siva dasa go daiguinborasdávddaiguin eai báljo birge.

Daid fuomášit beare maŋŋit go eai leat dávdamearkkat, ja muhtin borasdávddaid lea maid váttis dálkkodit go ii sáhte čuohpaduvvot.

 

Boahtte vahkus akšuvdna

Diibmá čogge 42 miljovnna ruvnno dikšut daid vahágiid maid borasdávdapasieanttat leat ožžon maŋŋel garra divššu.

Dál lea 14. jahki go Borasdávdasearvi lágida ruhtačoaggima.

Njukčamánu 12. beaivvi čogget ruđa Čáhcesullos ja Várggáin ja 14. beaivvi muđui Finnmárkkus. 

-Almmuhus-