Norgga Sámiid Valáštallanlihtu stivra čoahkkana Áltái bearjadaga ja lávvordaga.
Sii galget earret eará geahčadit iežaset siskkáldas hástalusaid go eai leat nákcen ođđa lihtu oažžut julggiid ala golmma jagis. Čoahkkin lea bearjadaga ja lávvordaga.
Sámediggeráđđi Henrik Olsen (NSR) searvá Sámiid Valáštallanlihtu stivračoahkkimii.
Gohččojuvvon čoahkkimii: Stivrajođiheaddji: Arnt Marius Eriksen. Sámi Valáštallanlihtu vuollásaš heargevuodjinlihttu: Mikkel Per Sara, Per John Anti. Sámi Valáštallanlihtu vuollásaš čuoigan-, viehkan- ja njoarostanlihttu: Lasse Wigelius, Leif-Roar Mikkelsen. Sámi Valáštallanlihtu vuollásaš spábbačiekčanlihttu: Elin Nicolaisen.
Loga maid: Rahčan juo máŋga jagi beassat julggiid
