Eaktodáhtolašbarggu vuoigŋa inspirerii ráhkadit čoagganan lávlaga, ja dan teaksta heive áigeguovdilis áššái máilmmis mii lea báhtareddjiid dilli, lohká joavkku miellahttu.
Eaktodáhtolašbarggu vuoigŋa inspirerii ráhkadit čoagganan lávlaga, ja dan teaksta heive áigeguovdilis áššái máilmmis mii lea báhtareddjiid dilli, lohká joavkku miellahttu.
*/
Gáivuona musihkkajoavku Violet Road almmuhii otne ođđa singela ja musihkkavideo maid leat gohčodan «we are the love», dahje sámegillii «Mii leat dat ráhkisvuohta». Halvard Rundberg muitala lávlla lea jurddašuvvon leahkit dakkár mii čohkke olbmuid, ja lea inspirerejuvvon dan ollu eaktodáhtolaš vuoiŋŋas maid sii oaidnit miehta gos johtet.
– Konsearttain, feastiválain ja miehta gos mii čuojahit, doppe leat hui ollu eaktodáhtolaš bargit ja «dugnad» vuoigŋa. Dat «We» sátni, ii mearkkaš dušše mii joavkkus muhto buohkat mii, olles máilmmis vaikko. Musihka sáhttá vaikko movt dulkot, ja juohkehaš oažžu ieš dulkot.
Olmmošlašvuohta dehálaš
Musihka dulkomis, sáhttáge dán lávlaga govahallat áigeguovdilis áššái mii lea báhtareaddjit máilmmis. Rundberg lohká dieđusge sii maiddái reflekterejit dan badjel mii dáhpáhuvvo máilmmis báhtareddjiid dilálašvuođas.
– Dat lávlla lea čállon mannan geasi, ovdal go dát báhtareddjiid kriisa lea čuožžilan máilmmis, nu ahte jus olbmot oidnet heive dan fáddái, de lea dat positiiva dannego midjiide lea hui dehálaš olmmošlašvuohta. Dál lea olles máilmmis áigi čájehit ráhkisvuođa, lohka son.
Guldal lávlaga dás:
Her er vår splitter nye singel og musikkvideo “We are the love”! På en helt fantastisk junidag i sommer i omgivelsene til spektakulære SALT Art – Music så samla flere tusen mennesker seg for å ha det fint i lag. Det var helt nydelig. Det var og er kjærlighet. Og er det noe verden virkelig trenger nå så er det mer kjærlighet. Kos dere med den her! Del den og spre ordet! Vi er utrolig stolte over resultatet.This is our brand new video “We are the love”. Feel free to share!Directed by: Daniel MikkelsenProduced by: Violet RoadPhoto: Daniel Mikkelsen and Rikard AmodeiDrone: Rikard AmodeiGrading: SIKT MediaSpotify: http://bit.ly/WeAreTheLoveSpotifyiTunes: http://bit.ly/WeAreTheLoveiTunesTidal: http://bit.ly/WeAreTheLoveTidal
Posted by Violet Road on 4. September 2015
Ovtta beaivvis filbmen
Dat video «we are the love» lávlagii, mii maid almmuhuvvui otne lea ráhkaduvvon mannan geassemánus Salt Art báikkis, Bådåddjos.
– Diibmá lei doppe okta stuora dáiddaprošeakta maid garrá dálki lei billistan. Mii áigguimet geahččalit fas hukset dan bajás, ja doallat konsearta ja filbmet doppe. Video lea filbmejuvvon ovtta beaivvis, ja dan konsertii bohte 3000 olbmo, muitala Rundberg.
