60-jahkásaš almmái ii leat dohkkehan sáhku, ja dál ferte lágastit.
Finnmárku politiijameašttir lea sáhkuhan 60-jahkásaš albmá go navdet su luonddušláddjivuođalága rihkkon. Almmái galgá diktán mánáid čoaggit 44 skávlemani Deanunjálmmi luonddureserváhtas diimmá miesemánus.
Almmái lea sáhkuhallan máksit 20 000 ruvnno. Son ii leat dohkkehan sáhku ja nu galgá ášši meannuduvvot Sis- ja Nuorta-Finnmárkku diggegottis borgemánu 19. beaivvi dán jagi.