Kárášjoga gielda bovde álbmotčoahkkimii ođđajagemánu 15. beaivvi gos čilgejit man láhkai gieldda mearriduvvon 2020 bušeahtta váikkuha gieldda bálvalusfálaldagaide.
Kárášjoga gielddastivra mearridii duorastaga juovlamánus Kárášjoga gieldda bušeahta 2020. Uhcit sisaboađuid, ovdalis jagiid lassigeavahusa ja ođđaháhkandárbbu geažil Kárášjogas, váikkuha dát bušeahtta bálvalusfálaldagaide jagi 2020.
– Mii bovdet danne álbmotčoahkkimii gos čilget ekonomalaš rámmaid birra ja maid dat mearkkaša bálvalusfálaldahkii. Mis lea rabas ságastallan gos sáhttá gažadit ja kommenteret, lohká Kárášjoga gieldda sátnejođiheaddji Svein Somby.
