-Almmuhus-
-Almmuhus-
GUOLLELIHKUČihččet vuoiti mánáid «Guolle­lihkku» gilvvus:

Čihččet vuoiti mánáid «Guolle­lihkku» gilvvus:

-

-

Áiddi guoradettiin bisáneigga áhčešguovttos oakkastit ja Sara Márjá rohttii gáddái golbma dápmoha. 

4-jahkásaš Sara Márjá Buljo, gii orru Mierojávrris, Guovdageainnu suohkanis, lei geasset guollebivddus Suoidneleavššis.

– Sara Márjá (4 jagi boaris) lei mu mielde guorrame áiddi ja bisánii vel veaháš oaggut Suoidneleavššis. Gottii golbma dápmoha. Ieš lei hui duhtavaš, čállá Sara Márjjá áhčči, Johan Mikael Buljo. 

Guollegovain searvvai Ávvira «Guollelihkku» oaggungilvui mannan vahkku. Juohke vahkku olles geasi leat mii vuorbádan ovtta gii vuoitá oaggunstávrrá sin gaskkas geat dan vahkku leat searvan gilvui. 

Ávvira oaggungilvu lea dál loahpahuvvon. Lagabui 80 guollegova leat nuorra áŋgiris guollebivdit sádden gilvui. Mii giitit buohkaid geat leat searvan ja sávvat sii bissot seamma áŋgirin bivdit guliid.

-Almmuhus-