3. divišuvnna vuosttaš čiekčan nissoniid bealis lea dál čikčon.
Mannan sotnabeaivvi lei Guovdageainnu nissonjoavkkus vuosttaš čiekčan goalmmát divišuvnna ráidočiekčamis, ruovttušiljus.
Dássedis čiekčan
Guovdageainnu nissonat deaivvadedje Hámmárfeastta joavkkuin, HIF/Steiniin. Ávvir humadii Guovdageainnu hárjeheddjiin Mia Carina Eirain ovdal čiekčama ja son váruhii dalle juo ahte deaivvadit buriin joavkkuin.
Lei dássedis čiekčan, ja boađus šattai 1-0, buorrin gussiide.
3. divišuvnna tabealla:
| Joavku | Čiekčan | Čuoggá | |
| 1 | HIF/Stein | 1 | 3 |
| 2 | Guovdageaidnu | 1 | 0 |
| 3 | Alta/Nerskogen | 0 | 0 |
| 4 | Ávju | 0 | 0 |
| 5 | Girkonjárga | 0 | 0 |
