Maŋemus viđa jagis leat ceggen 856 ođđa astoáigebartta Lulli-Norgga duoddariin gos gottiin leat guohtuneatnamat.
Leat ollugat geat liikojit meahcástallat guovlluin gos gottit leat, ja barttat mat leat dain báikkiin ja lagamus báikkiin leat mielde dagaheame sisabahkkemiid, boahtá ovdan Statistihkalaš guovddášdoaimmahaga (SSB) loguin.
Oktiibuot 19 053 astoáigebartta registrerejuvvon
Ođđajagemánu 1. beaivvi ledje birrasii 467 000 astoáigebartta Norggas. 24 100 bartta ledje áibbas ođđa bartta maid leat maŋemus viđa jagis ceggen. Dat lea vihtta proseantta buot astoáigevisttiin mat leat Norggas.
Opplánda ja Buskerud leat guovllut gos eanemusat huksejit barttaid. Gottiid guovlluin ledje oktiibuot 19 053 astoáigebartta registrerejuvvon.
Badjelaš 6000 bartta
Našunála goddeguovlluin, mat leat guovlluplánain duoddariin gos gottit ellet, de ledje 6293 bartta 2019:s. Dat leat guovllut mat leat definerejuvvon leat ereoamáš dehálaš guovlun gottiid boahtteáiggi ektui, dieđiha SSB.
