Gilbbesjávrái šaddá Davvi-Norgga duolloguovllu stuorimus duollostašuvdnan go fargga álggahuvvo huksenbargu cegget ođđa duollovistti rádjái.
Gilbbesjávrái šaddá Davvi-Norgga duolloguovllu stuorimus duollostašuvdnan go fargga álggahuvvo huksenbargu cegget ođđa duollovistti rádjái.
Dán giđa álggahuvvo huksenbargu go Duolloregiovdna ceggegoahtá ođđa duollostašuvnna Gilbbesjávrái mii lea Norgga ja Suoma rádjestašuvdna E8 luottas. Boares vistti ráji alde molsot ođđamállet visttiin mas buoret teknologalaš rusttegat leat.
Stuora hálla ceggejit
Suoma ja Norgga duollárat ovttasbarget nu go ovdal, muhto ekspedišuvdna ja iskkusfálaldagat buorránit. Duollostašuvdnii ceggejit vel 21 mehtera guhkkosaš iskkushálla masa čáhket stuora gálvobiillat. Lea stuora hástalus leamaš olgun dullehit sihke duolláriidda ja vuddjiide go lea buolaš gasku dálvvi. Ođđa hállas galget beassat iskat gálvobiillaid birra jagi.
Norga ja Suopma juogadit rehkega
Duollobáikkis galgá leat suojusgovvenrusttet ja kamerat mat registrerejit biillagalbbaid.
Duollu galgá seamma báikkis go dál, ja galgá gárvánit boahtte jagi. Suoma Duollodoaimmahat galgá hukset vistti ja juogada rehkega Norggain.
Buoret bargobeaivin
Duolloinspektevrii Geir Eriksenii ja su bargoustibiidda, geat barget Gilbbesjávrri duollostašuvnnas, addá ođđamállet visti buoret bargobeaivvi.
– Go visti lea gárvvis, de rievdaduvvo maid johtolahkii rukses ja ruoná meattihanluottain, lohká son.
