Čakčamánus ceggegohtet 94 mehtera allosaš šaldetoartna Deanu ođđa šalddis, ja olbmot sáhttet jo oaidnigoahtit makkárin šaldi šaddá.
Čakčamánus ceggegohtet 94 mehtera allosaš šaldetoartna Deanu ođđa šalddis, ja olbmot sáhttet jo oaidnigoahtit makkárin šaldi šaddá.
Ođđajagemánus álge bargat šaldeprošeavttain, ja čakčamánus galgá toardnaoassi leat sajis.
Juste dál leat šaldeoasit gárvánan fabrihkas Polenis, ja galget sáddejuvvot davás. Šaldeoasit galget leat sajis 2018:s.
Easka čakčamánu 2019:s galgá ođđa šaldi rahppot johtolahkii.
Ollu barggut vel
Moatti vahkku geahčen boahtá 110 mehtera allosaš krána mii galgá cegget toartna ja luoddaosiid. Krána galgá leat báikkis dassážii go buot ruovdeoasit leat biddjon sadjái.
Lassin ođđa šaldái, galget hukset birravuodjima goabbat beallai šalddi, ja luottas galgá 400 mehtera sirdot ođđa šaldái.
Biilavuoddjit fertejit vuodjit boares luotta mielde vel guhká, dieđiha Stáda geaidnodoaimmahat neahttasiiddus.
Deanu ođđa šaldi šaddá Nuorta-Finnmárkku stuorámus šaldin, ja mearkkašahtti huksehus Finnmárkkus. Huksenprošeavtta gollu lea 578 miljovnna ruvnno.
