Sámiráđđi almmuha mánáidgirjji nuortalaš- ja davvisámegillii.
Sámiráđđi čállá preassadieđáhusas ahte Sámiráđi váldočálli Áile Jávo ja nuortalaš nisu Zoya Nosova Verkhnetulomsk guovllus Ruoššas eret, leaba jorgalan Bjørn Ouslanda mánáidgirjji «Flink drage» nuortalašgillii ja davvisámegillii. Girji lea guovtti hámis, nammalassii lohkangirji ja ivdnengirji.
– Ovdalaččas lea girji almmuhuvvon máttasámegillii ja julevsámegillii, dieđiha Sámiráđđi preassadieđáhusas.
Girjjit gollegillii
Ođđa girji almmuhuvvo Murmánskkas lávvordaga, Sámiráđi čoahkkima oktavuođas. – Sámiráđđái lea dehálaš sámi mánáide fállat eanet girjjiid gollegielaide, ja erenoamážit mii sávvat ahte dát mánáidgirji sáhttá leat veahkkin eambbosiidda oahppat nuortalašgiela, dadjá Áile Jávo Sámiráđi preassadieđáhusas. Girjji davvisámegielat namma lea «Čeahpes dollalakkis» ja nuortalašgillii «Šiõǥǥ draakon».
