Čavgejit Troandimii geassemánus

Fágapanelas ledje Hanne Marie Hatlem, Torgeir Ekeland, Irene Hansen, Vegard Bjørsmo, Solveig Leinan Hermo ja Ragnhildur Asvaldsdottir.

– Oasit maid mii leat fágapanelas deattuhan lea man bures artista/dáiddár lea láddan, movt láidesta gehččiid, suohkanbeali, originalitehta, teknihka, kreativitehta, sohkabeali ja man bures lea hárjánan, muitalii fágapanela ovdal čurvo sin namaid geat besset viidáseappot.

Leat dušše vihtta lávdeovdanbuktima mat besset viidáseappot juohke fylkkas.

– Mii galgat leat hui duhtavaččat go ledje ná ollu sámi ovdanbuktima mielde dán jagi, muitala jurylahttu Vegard Bjørsmo.

Dás oainnát daid Finnmárkku nuoraid namaid geat lávddis besset čájehit čehppodaga Troandimis geassemánu:

Lávddis:

Filbma: T.Y.I – Dan-Håvard Andersen, Lars Petter Andreassen, Sander Framnes ja Sondre Mikkola – Čáhcesuolu

Filbma: My Home – Thea Marja Eira – Guovdageaidnu

Teáhter monologa: Hamlet – «Å være eller å ikke være» – Oda Katrine Aune Andersen – Mátta-Várjjat

Dánsa: – «Fatamorgana» Adina Eriksen Eines, Amanda Malin, Kaia de la Cerda, Tiril Antonsen, Vivian B. Bye – Várggáin

Musihkka: The End – «Tinnitus»: Gøran Brattfjord, John Håkon Pedersen, Trygve Karlsen – Hámmárfeasta

Musihkka: My Funny Valentine – Ellinor Skartland – Deatnu

Musihkka: Waves – «PC» Per Christian Lorentsen – Davvinjárga

Dáidda:

Sara R. Anti (Kárášjogas eret) beasai viidáseappot dáidagiin «Dragon and the Wolf».

Elise Lauritsen ja Lina Rasmussen (Davvisiiddas eret) – Plague.

Ragna Gade Mortensen (Mátta-Várjjagis eret) – Eksistens.

Anna Dimitrevna Kornilova (Gáŋgaviikka) – Čeabetčikŋa ja suorpmas.

Evttohuvvon riikkadeaivvadeapmái

Dasa lassin lea jury evttohan muhtimiid geat ledje mielde lágideame dáid doaluid. Sis leat leamaš iešguđetlágan doaimmat lágidemiin, nu go sosiála media doaimmahit, láidestit NKD lávddis, teknihkalaš čovdosiid doaimmahit ja NKD-media jođihit.

Juohke fylkkas galget evttohit nuoraid geaid NKD riikkalágideaddjit besset válljet bidjat bargat go riikkadeaivvadeamit leat.

Láidesteaddjin: Mathis Eira.

Lágideaddji: Tara Markussen, Julie Evensen ja Une Andal.

Teknihkka: Fredrik Hydle Rydheim ja Lukas Ronkaitis.

Media: Nathalie Lindgård ja Lukas Gulliksen studioprodukšuvnna ovddasvástideaddjin.

Sosiála media: Ingrid Andreassen

Turbobálkkašupmi áŋgiris suohkanii

Davvisiidda suohkan oaččui maid Turbobálkkašumi go leat lágidan klubbacampaid ja rockbajiid geassemánus, ja ollu eará doaimmaid olles jagi badjel.

Dan ovddas ožžot 5000 ruvnno, ja lei fylkka NKD gulahallanolmmoš Anne Turid Garshol gii jugii bálkkašumi.

Boahtte jagi deaivvadeapmi

Loahpas giitaledje Álttá suohkana, go lea guhtta jagi lágidan NKD doaluid. Boahtte jagi lea Mátta-Várjjaga vuorru lágidit NKD doaluid, mat leat guokte vahkku ovdal beassážiid.

Mátta-Várjjaga lágideaddjit muitaledje lávddis maid ahte sis leat miellagiddevaš ovttasbarggut ránnjáiguin Ruoššas ja Suomas, maid maŋŋelaš áigot almmuhit.