Ráđđehus lea mearridan ráhkadit sihkarvuođaáiddi mas galgá verrát Ruošša rájis Storskog rádjestašuvnnas.
Ráđđehus lea mearridan ráhkadit sihkarvuođaáiddi mas galgá verrát Ruošša rájis Storskog rádjestašuvnnas.
Dan áiggis go Schengen-ovttasbargu lea garra deattu vuolde leamašan, de álggahit doaimma go Norga háliida ovddasvástádusa čájehit ahte Schengen-šiehtadusa váldet duođalažžan.
– Maŋemus áiggiid dáhpáhusat čájehit man dehálaš lea čielgasit diehtit gii lea Norggas ja Schengenis. Mii buoridit sihkarvuođa Storskoga rádjeguovllus vai diehtit geat bohtet min riikii, muitala justiisa- ja gearggusvuođaministtar Anders Anundsen (Ob).
Váldet barggu duođas
Ulbmil dáinna doaimmain lea sihkkarastit iskkusvejolašvuođaid maid Norgga eiseválddit čađahit rájis.
– Mii váldit dán barggu hui duođalažžan, sihke norgalaččaid váste ja min ovttasbargoguimmiid váste EEO:s ja Schengenis, dadjá Anundsen.
Buoridit sihkarvuođa
Dábálaččat ii galgga áidi dagahit stuora erohusa sidjiide geat rasttildit ráji. Johtolat galgá mannat njuovžilit nu go dábálaččat.
Doaibma galgá leat dan dihte vai buoridit sihkarvuođa go rasttildit ráji, ii ge galgga Storskog divodanbarggu sadjái mannat.
Nu čállá justiisa- ja gearggusvuođadepartemeanta preassadieđáhusas.
