-Almmuhus-
-Almmuhus-
OĐĐASATČavgejit sihkar­vuođa go muhtin lea báhkken čáhce­rustte­giidda

Čavgejit sihkar­vuođa go muhtin lea báhkken čáhce­rustte­giidda

-

-

Golbma Romssa suohkana čavgejit dál sihkarvuođa čáhcerusttegiin maŋŋel sisagaikuma. 

Máŋga suohkana buoridit dál sihkarvuođa iežaset čáhcerusttegiin, maŋŋel go mannan mánus gaikkui soames čáhcerusttegii Øverbygd báikkis. Sihke Ráissas, Siellakvuonas ja Beardus leat bidjan liige sihkarvuođadoaimmaid rusttegiidda, čállá NRK

Politiijat eai leat vel gávnnahan manne muhtin lea suoli mannan rusttegiidda mat addet olles Málatvuomi suohkanii  čázi, earret eará stuora militearabáikái Skjoldii. Maŋŋel dán dáhpáhusa gávdne eahpedábálaš rievdama čázis. 

– Buot sisagaikumat dehálaš infrastruktuvrraide adnojit duođalažžan. Go lobi haga manná čáhcerusttegiidda, sáhttá dat čuohcat ollu olbmuide, dadjá politiijainspektevra Ole Johan Skogmo.

Navdá skelbmošeapmin

Dát dáhpáhus lea leamaš áššin maiddái eará našunála eiseválddiide. Málatvuomi sátnejođiheaddji Bengt Magne Luneng i Målselv ii gal leat nu bearehaga jierásmuvvan.

– Mun jurddašan dát lea dušše skelbmošeapmi. Mii leat dál ásahan doaimmaid buot čáhcerusttegiidda Málatvuomis, muhto in áiggo dađi eambbo muitalit makkár doaimmat dat leat, dadjá son.

(©NTB)

-Almmuhus-