Lihtolaš soalddáhiin, geat leat Davvi-Norggas, lea garraset njoammunráđđenvuohki go earáin geat bohtet olgoriikkas, dieđiha Suodjalus.
Oktiibuot galget sullii 3000 olbmo olgoriikka veagain oassálastit Rein hárjehallamis guovvamánus ja Joint Viking stuorrahárjehallamis njukčamánus. Ovdal vahkkoloahpa ledje jo 1800 soalddáha ollen Norgii dálvehárjehallamii.
– Buohkat iskojuvvojit unnimus golmma geardde. Mii váldit buot gorrenjuolggadusaid maid sáhttit, dadjá HV16 hoavda, Jon Ivar Kjellin, aviisii Harstad Tidende.
Dan rájes go ollejedje Norgii ovdal juovllaid, de lea 56 lihtolaš soalddáhiin, 11 brihttalaččain ja 45 amerihkálaččain leamaš korona – dasa lassin guovtti Norgga soalddáhis.
(©NTB)
