Borgemánu 1.beaivvi unnu astoáiggefálaldat (AÁF) váhnemiidmáksu bearrašiidda geain lea unnán sisaboahtu, ja mánáide geain leat earenoamáš dárbbut sidjiide šaddá nuvttá AÁF fálaldat.
Oktiibuot lea ráđđehus juolludan 79 miljovnna ruvnno dasa, dieđiha ráđđehus preassadieđáhusas.
– Mii diehtit ahte astoáiggefálaldat lea dehálaš mánáide sihke eastadeami ja searvadahttima dáfus. Dat guoská dasa ahte mánná beassá searvat aktivitehtaide ja maid leat fárrolaga olbmáiguin. Buohkain galget leat seamma vejolašvuođat váikko makkár bearrašis bajásšaddá, lohká máhttodepartemeantta stáhtačálli Grunde Kreken Almeland.
2020:s lea ráđđehus bidjan 58 miljovnna ruvnno astoáiggefálaldahkii vuoi váhnemiidda geain lea unnán sisaboahtu ii šatta olggosgollu nu stuoris. Dat ortnet lea váhnemiidda geain leat mánát 1. ja 2. luohkás. dasto leat fas bidjan 21 miljovnna ruvnno nuvttá-fálaldaga AÁF:i mánáide geain leat earenoamáš dárbbut 5.-7. luohkás.
– Ollu mánát geain leat earenoamáš dárbbut dárbbašit AÁF maŋŋel 4.luohká. Dat leat maid unnit aktivitehtafálaldagat sidjiide. Lea hui vahát jus dat bearrašat eai galgga beassat geavahit AÁF danne go lea beare divrras. Danne lea ráđđehus mearridan ahte sii eai galgga dárbbašit máksit AÁF, lohka Almeland.
