Ruoktot SMÁVVAOĐĐASAT SÁMIS

SMÁVVAOĐĐASAT SÁMIS

Golbma ođđa korona­njoammuma

Duorastaga duođaštuvvojedje golbma ođđa koronanjoammuma Romssas.  – Guoktásii lea koronavirus njommon maŋŋel go sudnos leamaš eará gieldda olmmoš guossis. Goalmmát lea lagas oktavuohta muhtin koronabuohccái,...

Mázes čuojai buollin­alárbma

Buollindoaimmahat oaččui dieđu ahte Mázes álggii automáhtalaš buollinalárbma čuodjat.  Finnmárkku buollindoaimmahat dieđihii ahte Mázes čuojai automáhtalaš buollinalárbma muhtun priváhta viesus.  Váktajođiheaddji Jarleif Sørensen muitala ahte Buollindoaimmahat ii ožžon oktavuođa viesu eaiggádiiguin, ja mearridedje vuoddját báikái.  – Lei behtolaš alárbma. Viesu olbmot ledje bánnogáhkuid steikeme, ja dan dihte alárbma čuodjagođii, muitala váktajođiheaddji Sørensen...

Ná gohččojuvvot boahkuheapmái

Go lea du vuorru boahkuhuvvot, de oaččut dieđu Kárášjoga gielddas. Kárášjoga gielda sádde SMS-dieđuin mii dáhttu du mannat helsenorge.no siidui gos diibmošiehtádus lea. Lea dehálaš ahte vástidat dán, go diibmu ii registrerejuvvo ovdal go duođaštat dan. Jos it duođaš diimmu helsenorge.no bokte ovdal 12 diimmu maŋŋel go leat ožžon SMS, de...

Dát studeanttat leat gergosat njuiket bargo­eallimii 

13 studeantta leat mannan oahppojagi gárven iežaset oahpuid Sámi allaskuvllas. Mannan disdaga ledje Sámi allaskuvllas njeallje masterdási kandidáhta geat ovdanbukte iežaset masterbargguid. Loahpahandoaluin gaskavahkku juhkkojuvvojedje diplomat ja duođaštusat buot kandidáhtaide geat leat gárven bargguideaset mannan skuvlajagi. Dás oainnát geat dán oahppojagi leat gárven oahpuid Sámi allaskuvllas. Sámi vuođđoskuvlaoahpaheaddjeoahppu 5.-10. ceahki master Elle-Helene Nilsdatter...

Ođđa ovttasbargo­šiehtadus Sáme­dikkis ja Romssa suohkanis

Šiehtadus galgá sihkkarastit sámi mánáidgárdesadjedáhkádusa, sámi oahpahusa nannema, sierra Sámi viesu ja kulturmuittuid gaskkusteami, dieđiha Sámediggi preassadieđáhusa bokte. Bearjadaga geassemánu 18. beaivvi vuolláičálliba Norgga beale sámediggepresideanta ja Romssa sátnejođiheaddji Gunnar Wilhelmsen ođđa ovttasbargošiehtadusa.  Šiehtadusa ulbmil lea láhčit dili eaktudeaddji ovttasbargui vai sáhttit bisuhit ja ovddidit sámi giela, kultuvrra ja servodaga juohke sajis...

Vejolaš diŋgot korona­iskosa SMS bokte

Duorastaga rájes besset Áltálaččat álkes vugiin diŋgot koronaiskosa. Álttá gielddas sisafievrridit dál SMS ortnega dutnje geas leat dávdamearkkat ja háliidat diimmu iskosii. SMS bokte fertet almmuhit njeallje dieđu iežat birra:  Olles nama, čujuhusa, riegádanbeaivvi, makkár dávdamearkkat ja goas ožžot daid. KoronaSMS:s leat seamma rahpanáiggit go koronatelefovnnas: buot árgabeivviid gaskkal 08.00 ja...

Eane­but váldet okta­vuođa heahte­guovddážiin

Ássiidlohku lea njiedjan, muhto hui olu ságastallamat telefovnna bokte váikkuhit heahteguovddážiid lassáneapmái 2020:s. Dan čájeha ođđa statistihkka man Mánáid-, nuoraid-, ja bearašdirektoráhtta lea ráhkadan. – Lea dehálaš doalahit suodjaluvvon ássanfálaldaga hearkkes olbmuide geat leat vásihan veahkaválddi ja dárbbašit fálaldaga, maiddái heahtedilis. Lea hui positiiva go nu olusat leat ožžon ságastallanfálaldaga telefovnna bokte...

Galget sihkke­lastit 700 km

Arctic Race of Norway lea lihtodan ovttasbarggu «Idretten Skaper Sjanser» servviin.  Dan jagáš Arctic Race sihkkelgilvvuide besset mielde 35:s geat leat darvánan gárrenávdnasiid geavaheapmái . – Min mielas lea hui buorre go lea arena olbmuide geat hárjehaddet dan dihte vai besset eret gárrenávdnasiid geavaheamis, dadjá beaivválaš jođiheaddji sihkkelgilvvu beaivválaš jođiheaddji, Knut-Eirik Dybdal...

Buot fievrruide per­sovnnalaš šilttat

Dál sáhttá persovnnalaš šilttaid hábmet buotlágan fievrruide. Stáhta geaidnodoaimmahat dieđiha iežaset neahttasiiddus ahte geassemánu 16. beaivvi rájes lea vejolaš diŋgot persovnnalaš šilttaid buot sturrodagaide. Ovdamearkka dihte traktuvrii, MC:ii ja billaide main leat Ámerihka sturrodat šilttat, iige dušše persovdnabiilii, guorbmebiilii ja bussii mii lea juo leamaš vejolažžan ovdal.  – Mii viiddidit dálá...

Girku massá miel­lahtuid

Norgga girku massá ain miellahtuid. Jagis njiejai miellahttolohku 31 000 olbmuin.  Norgga girkus ledje 3 655 556 miellahtu diibmá, ja dat lea 31 159 miellahtu unnit go 2019:s, čájehit Statistihkalaš guovddášdoaimmahaga logut.  Dan botta go 2 343 olbmo dieđihedje iežaset Norgga girku miellahttun, de eretcelke 12 653 iežaset miellahttuvuođa.  Koronapandemiija dagahii ahte...

HV-soalddáhiid iskosat ledje behtolaš positiivvat

Mannan vahkku duođaštuvvui ahte guovtti HV-soalddáhis lei korona Guovdageainnus, moadde beaivvi maŋŋel čájehedje iskosat eará. Ávvir čálii mannan vahkku dan guovtti HV-soalddáha birra. Golbma beaivvi maŋŋel go iskosat čájehedje positiivvat, dieđihii Guovdageainnu suohkan iežaset neahttasiiddus ahte iskosat ledje behtolaš positiivvat.  Iskosat, mat čájehedje boasttu bohtosa, ledje johtilisiskosat. Lassin váldui maiddái PCR-iskkus,...

Goalmmát girji Tåssåsena čearu birra

Goalmmát oassi girjeráiddus lea olbmuid birra.  – Eallinvuogit ja fuolkevuođat, čállá Tåssåsen čearru preassadieđáhusa bokte.  Dan golbma girjji redaktevra lea Ewa Ljungdahl. Vuosttaš girji dán girjeráiddus lea skuvlavázzima ja árbevirolaš gelbbolašvuođasirdima birra, nubbi fas Tåssåsen-sápmelaččaid orrunbáikkit ovdal ja dál. Goalmmát girji, mii dál lea almmuhuvvon, lea olbmuid birra, olbmot geain lea...

Dál sáhttet 10 000 olbmo oažžut liige­gelbbolaš­vuođa

Ráđđehus geavaha badjel 81 miljovnna ruvnnu ođđa kurssaide ja oahppofálaldagaide. – Fálaldagat galget ráhkaduvvot sidjiide geat leat virgelobis, bargguheamet, nuoraide geain ii leat nu olu bargovásáhus ja sidjiide geat leat aiddo geargan oahpuin, dadjá dutkan- ja alitoahppoministtar Henrik Asheim (O). Oahppofálaldagat leat joatkkaskuvllas gitta alitohppui, ja fálaldagat leat nuvttá ja dávjá...

Ávžžuhit ohcat loana buori áiggis

Loatnakássa vuordá hui olu ohcciid lotnii ja stipendii ovdal go alitoahpu álggahuvvo čakčat. Badjel 150 000 olbmo leat dán jagi ohcan universitehtaide ja allaskuvllaide. Muhto, sii eai oaččo vástádusa ovdal go suoidnemánu 20. beaivvi leat go beassan sisa, moadde vahkku ovdal go oahppu álgá. Dalle bohtet olu loatna- ja stipeandohcamatohcamat...

Geasse­johtolagas duššet eanemus olbmot

Trygg Trafikk balaha ahte šaddá ođđa lihkohisvuođageassi johtolagas. Geassemánu, suoidnemánu ja borgemánu duššet gaskamearalaččat 15 olbmo juohke mánu. Reasta jagi lea gaskamearri logi olbmos juohke mánu. – Mii jáhkkit ahte norgalaččat leat gergosat oaidnit juoidá eará go iežaset ruovttuid ja lagasbirrasa, ja plánejit biilaluomu Norggas. Go diehtit ahte geasset duššet 50...

Veahka­ossodagat mátkkoštit ruoktot Thunder Bolt-hárjehallama maŋŋel

Veahkaossodaga ruovttumátkkoštanhárjehus álggahuvvo duorastaga maŋŋelgaskabeaivvi ja bistá gitta sotnabeaivái. Dáid beivviid bohtet leat smávva kolonnat Iŋggášguolbana rájes Leavnnjas gitta Sis-Romsii. Muhtun vuojánat galget maid ruovttoluotta Garnisonii, Mátta-Várjjagis. Stuorámus kolonnas bohtet leat sullii logi vuojána. Hárjehallama ulbmil lea hárjehaddat ovttasbarggu gaskkal Finnmárkku eanansuodjalusa ja Brigade Nordas ja Trenregimentet ossodagaid. Hárjehallan lea sihke Finnmárkkus...

Anárjoh­geaidnu gitta divo­deami dihtii

Bajit Ruovttotjoga bokte leat divodeamen geainnu, go lea šaddan roggi geidnui. Čáhcerevre lea gahččan Bajit Ruovttotjoga bokte, mii dagaha ahte ii leat oadjebas vánddardit geainnu alde. Guovlu lea merkejuvvon galbbain goappaš bealde rokki ahte lea bargoguovlu. Kárášjoga gielda čállá duorastaga iđida ahte veahka lea jođus divvut geainnu, ja oažžut geainnu ortnegii...

Gávdne duššan dievddu

Finnmárkku politiijat dieđihit ahte leat gávdnan duššan dievddu Čáhcesullos.  Duorastaga diibmu 08:45 ožžo heahteetáhtat dieđu ahte muhtin dievdu lea gávdnon Čáhcesullo hámmanáldásis. – Dievddu leat ožžon gáddái ja mii duođaštit ahte son lea jápmán, čállet politiijaloggas. Politiijat eai dieđe mii lea dáhpáhuvvan ja dutkagohtet ášši. Sii leat dieđiheamen jápmasága oapmahaččaide. 

Sápmelaš lea Kárášjoga ođđa suohkan­báhppa 

Sirbmálaš Stein Erik Anti álgá ođđa virgái Kárášjoga suohkanbáhppan čakčamánu 1.beaivvi.  Sis-Finnmárkku proavás, Egil Lønmo, dieđiha preassadieđáhusas ahte sirbmálaš Stein Erik Anti lea virgáiduvvon Kárášjoga ođđa suohkanbáhppan. Ođđa báhppa álgá virgái čakčamánu 1. beaivvi.  Ávvir lea leamaš oktavuođas Stein Erik Antiin, muhto ii loga vel háliidit kommenteret ášši. 

Dearvvašlaš borramuš ja lihkadeapmi SAÁF:i

Dál ožžot buot skuvla astoáiggefálaldagat (SAÁF) oktasaš nationála rámmaplána. Oktasaš rámmaplána galgá nannet kvalitehta ja sisdoalu skuvllaid astoáiggefálaldagain miehtá riikka. Ráđđehusas háliidit ahte astoáiggefálaldagain lea dearvvašlaš borramuš ja eambbo fysalaš aktivitehtat. – Ođđa nationála rámmaplánain háliidit sihkkarastit ahte buot mánát ožžot buori astoáiggefálaldaga, sorjjasmeahttun gos orrot ja makkár skuvllas vázzet, dadjá...