Oktiičaskima čađaheames evttoha Duopmostuollokommišuvdna heaittihit guovtti juohke goalmmát diggegottis.
Nuorta-Finnmárkku-, Hámmárfeastta- ja Álttá diggegottiid árvalit ovttastuhttit, mii de šattašii Ytre-Finnmárkku diggegoddin. Áltá šaddá dán diggegotti váldobáikin.
Evttohuvvo maid časkit oktii Davvi-Romssa ja Senja diggegottiid, mii de šaddá Romssa diggegoddin. Romsa šaddá váldodiggebáiki.
Trondenes Ofoten ja Vesterålen diggegottit evttohuvvojit biddjot Gaska Hålogalándda diggegotte vuollai.
Salten ja Lofoten evttohuvvo Salten diggegoddin ja váldodiggebáiki šaddá Bådåddjo. Geografalaš hástalusaid geažil evttohuvvo ahte Svolvær ossodat doalahuvvo.
Evttohusas boahtá ovdan ahte 60 diggegotti galget šaddat 22 diggegoddin, mas leat 30 diggebáikki. Ja 34 Eanajuohkinrievtti evttohuvvojit unniduvvot 13 eanajuohkinriektibiirasin, mas galget oktiibuot 20 diggebáikki.
