Dán jagi leadje 3817 olbmo geat vázze 62 533 mátkki miehtá fylkka.
Perletur, dahje Bearalmátki sámegillii, lea šaddan Finnmárkku deháleamos olgodaddandoaibman ja álbmotdearvvašvuohtadoaibman.
Dál jearrá Perletur lágideaddji preassadieđáhusas šaddá go beare gudneáŋgiris jurdda vai nagodit go boahtte jahkái oažžut 4500 olbmo mielde vázzit 75 000 mátkki.
Golmma suohkanis leat buot viššaleamos ássit. Dat leat Guovdageainnus, Láhpis ja Báhcavuonas. Láhpis leat 12,8 proseantta ássiin mielde bearalmohkiid čoaggime.
Viššalat vázzit
Perletur rámpo ahte Bearalmohkit leat buoremus álbmotdearvvašvuohtadoaibma. Dan oaidná go geahččá guđiid mátkkiid eanemusat vázzet.
Golmmas geat leat eanemus iešguđet mátkkiid vázzán miehtá fylkka, lea hámmárfeastalaš Turid Lien gii lea vázzán 200 mátkki. Hámmárfeastalaš Per Øystein Utstrand lea nagodan 168 mátkki ja láhppilaš Ståle Sæther lea vázzán 156 mátkki, iešguđet báikkiin miehtá Finnmárkku.
Dás oaidná makkár alážiid ja bearralmohkit eanemus olbmot leat vázzán:
1. Gorravárri, Áltá: 543 olbmo
2. Storfjellet, Hámmárfeasta: 505 olbmo
3. Jiepmaluokta, Áltá: 473 olbmo
4. Salenfjellet, Hámmárfeasta: 429 olbmo
5. Lille Raipas, Áltá: 388 olbmo
6. Røde Kors-hytta, Hámmárfeasta: 366 olbmo
7. Appelsinsteinen, Mátta-Várjjat: 364 olbmo
8. Tyven, Hámmárfeasta: 363 olbmo
9. Tyvensletta, Hámmárfeasta: 363 olbmo
10. Losvarkollen, Áltá 341 olbmo
