Dát dáhpáhuvai mannan ija Finnmárkkus.
Dát dáhpáhuvai mannan ija Finnmárkkus.
Hammerfeasttas galgá muhtun časkán nuppi ámadadjui vuolalásiin. Politiijat manne báikái iskat ášši. Dan dieđiha Finnmárkku politiijaguovlu Twitteris.
Sii dieđihit go bohte báikái ahte ledje hávit ámadajus, ja ahte su dolvo doavttiriskkadeapmái.
– Vearredahkki lei báhtaran, muhto diehtit su nama, ja áigot čuovvolit ášši, čállet Twitteris.
Biddjui eret gávpotguovddážis
Girkonjárggas manne politiijat iskat dili ovtta olgobáikkis. Ledje ožžon dieđu ahte leigga guovttis geat áitin ládje láhttiiba.
– Leat gohččon 30-ahkásaš dievddu guođđit gávpotguovddáža, čállet Twitteris.
Viggan olgobáikái
Álttás lei muhtun nuorra dievdu gii galgá geahččalan beassat sisa olgobáikái. Sus lei behtolaš legitimašuvdna. Álttá politiijakantuvra čuovvola ášši.
Doarrumat
Girkonjárggas ožžo politiijat dieđu doarrumiid birra mat ledje muhtun olgobáikki olggobeale.
Muhtun 20-ahkásaš dievddu leat gohččon guođđit gávpotguovddáža, go galgá rigeren uksavávttain.
Hammerfeasttat ožžo maid dieđu ahte ledje muhtun olgobáikki olggobeale doarrumat.
– Mis lea kontrolla dáhpáhusa badjel. Okta 20-ahkásaš dievdu biddjo arrestii, čállá Finnmárkku politiijaguovlu Twitteris.
