-Almmuhus-
-Almmuhus-
OĐĐASAT Čáskadanrusttegat ruovttuin sáhttet hejot doaibmat

Čáskadanrusttegat ruovttuin sáhttet hejot doaibmat

-

-

Eanet go 100 000 ruovttus Norggas sáhttet buollinčáskadanrusttegat mat hejot doibmet, dahje eai doaimma obanassiige, čájeha ođđa iskos.

Juohke logát viesus lea buollinčáskadanrusttet mii lea logi jagi boaris dahje vel boarráseabbo.

Badjel bealli dain rusttegiin eai leat goassege leamaš divuhusas dahje dárkkistusas, mieđihit eaiggádat.

 

Suorgana

Nu boahtá ovdan jearahallamis man Norgga buollinsuddjensearvi, servvodatsihkarvuođa ja gearggusvuođa direktoráhtta (DSB) ja dáhkádusfitnodat If leat čađahan buollinsuddjenvahkku oktavuođas.

1034 jearahallama leat čađahuvvon miehtá riikka.

– Mun gal lean suorganan. Buollinčáskadanrusttegat boarásmuvvet, ja sáhttá leat stuora váikkuhussan jus buollá. Dárkkisteapmi ja áimmahuššan lea dehálaš ruovttu buollinsihkarvuođa ektui, lohká If dáhkádusfitnodaga buollininšenevrra Anders R. Ellingbø.

 

Viessoeaiggádat fertejit dárkkistit

Buollinčáskadanrusttegiid priváhta ruovttuin galget njuolggadusaid mielde dárkkistit fágaolbmot juohke viđat jagi.

Soarpe-jáddadanrusttega galgá áimmahuššat juohke viđat jagi ja pulvvarjáddadanrusttega ges juohke logát jagi. Buvttadandáhton lea apparáhtas vuolemusas. 

Sis geain lea viessobuollinčáskadanbohcci berrejit unnimusat oktii jagis dárkkistit ahte dat doaibmá. Dan sáhttá ieš dárkkistit.

Apparáhtain galgá unna mearkkaš mas čuožžu goas dat maŋemusat lea dárkkistuvvon, ja lea juohkehačča ovddasvástádus iskat lea go dat dahkkon.

- Advertisement -
-Almmuhus-