Olu dáhpáhusat Finnmárkkus ikte eahkes ja ija mielde, earret eará doarrumat, bissehan feastta gos vuolleahkásaččat ja rávisolbmot ledje seamma feasttas, ja okta dain vearrámus dáhpáhusain orru leamen go okta dievdu galgá leat cábmán nissonolbmo.
Olu dáhpáhusat Finnmárkkus ikte eahkes ja ija mielde, earret eará doarrumat, bissehan feastta gos vuolleahkásaččat ja rávisolbmot ledje seamma feasttas, ja okta dain vearrámus dáhpáhusain orru leamen go okta dievdu galgá leat cábmán nissonolbmo.
Dáhpáhus lea geavvan Porsáŋggus, gos guđatlotjahkásaš dievdu galgá leat cábmán nissonolbmo, ikte eahket, ja nu bahuid ahte nisu geavai buohccivissui.
Politiijat čállet twitteris ahte sii leat álgán dutkat ášši ja leat ceggen ášši olbmá vuostá.
Nuorat muosehuhttán
Leat olu nuorat geat leat politiijaid barggahan.
Girkonjárggas galget nuorat muosehuhttán bargiid muthun boradanbáikkis. Politiijat fitne doppe ja ráfi maid šattai báikkis.
Honnesvágis fas leat politiijat leamaš heaittiheame nuoraidfeastta.
Čáhcesullos šadde politiijat vuojihit ruoktot ovtta nuora gii lei beare gárremiin. Politiijat gávdne su vealláme eatnama alde Čáhcesullo guovddážis.
Čáhcesullos leat maid bissehan feastta gos ledje vuolleahkásaš mánát fárrologa rávisolbmuiguin.
Beana ságat
Ii dieđus nu gal mana báljo guđege beaivi, nu politiijaid twitteris eai leat beanaságat maid.
Hámmárfeasttas leat politiijat gávdnan unna beatnagačča, ja dat lea sin hálddus dál. Sevdnjesruškat čielggi bokte ja čuovgadit oaivi, čállet sii.
Álttás fas čuvges Sibirja husky beana láhppon.
Rievssatbeatnaga ledje maid Álttás váldán gitta politiijat, go ruohtadii luovos Álttá guovddážis. Dan beatnaga gal lea eaiggát viežžan politiijaid luhtte ikte juo.
