Logut čájehit ahte cannabis-geavaheapmi lassána nuoraid gaskkas, ja nuorat doivot ahte geavaheapmi ii leat várálaš.
Skuvlaiskkadeapmi, mii čađahuvvo juohke njealját jagi, čájeha ahte logát luohká nuorat leat geavahišgoahtán eambbo cannabismirkku.
– 2007 rájes gitta 2015 rádjái vástidedje gaskamearálaččat 6.2 proseantta nuorain ahte sii leat geahččalan cannabismirkku, muhto 2019:s vástidedje 8,7 proseantta dan seamma, muitala Álbmotdearvvašvuođainstituhta dutki Elin Bye.
Iskkadeamis čájehuvvo maid ahte nuorat eai buhtte cannabismirkku alkoholain. Viđa olbmos leat golmmas geat leat geavahan cannabismirkku oktan alkoholain. Sii geat dieđihit geavahan cannabisa, dieđihit ahte sii juhket alkohola dávjjibut ja olu.
