Odne eahkedis lei Vestleairras čalmmusteapmi ja ledje ollusat boahtán čájehit sii dorjot báhtareddjiid ja dorvoohcciid geat leat leairras.
Odne eahkedis lei Vestleairras čalmmusteapmi ja ledje ollusat boahtán čájehit sii dorjot báhtareddjiid ja dorvoohcciid geat leat leairras.
Odne gaskavahku eahkeda Mátta-Várjjagis ledje ollu olbmot boahtán doarjut báhtareddjiid ja dorvoohcciid geat leat Vestleairras vuordimin dassái sáddejuvvojit Ruššii. Golbma nissona geat dolle sártniid ledje Audhild Kaarstad, Lena Norun Bergeng ja Silja Arvola.
– Ovddit jagi Sotchi OG-gilvvuid áigge moittii Erna Solberg Ruošša go rihkko olmmošvuoigatvuođaid, dál lohká dan seamma riikka leat oadjebas riikkain, logai Kaarstad sártnistis.
Lena Norun Bergeng ges logai iežas jurddašan ahte sáhttá go leat duohta ahte Norga 2016:s risikere sáddet heađálaččaid olggos riikkas, dainna baluin ahte muhtimiin ii soaitte leat vuoigatvuohta leat riikkas.
Álbmot lei čoahkkanan biikaáiddi duohkái ja go álge lávlut, de bohte báhtareddjiid ja dorvoohcciid olggos bráhkkavisttiin guldalit ja deaivvat daid ollu olbmuid geat ledje čoahkkanan čájehit sidjiide doarjaga.
