Bearjadaga almmuha Dearvvašvuođadirektoráhta našunála diehtojuohkinkampánja vuoiŋŋaščaskkástaga birra.
Bearjadaga almmuha Dearvvašvuođadirektoráhta našunála diehtojuohkinkampánja vuoiŋŋaščaskkástaga birra.
Kampánja lea ráhkaduvvon ovttasráđiid geavaheaddjiorganisašuvnnaiguin ja guovddáš fágabirrasiiguin.
Máŋga gaskaoami
Kampánjjas leat máŋga gaskaoami, earret eará lea ráhkaduvvon máinnus mii sáddejuvvo moadde vahkku TV:s.
Eará čalmmustahttimat galget leat doaimmat gitta ođđajahkái.
Ulbmil kampánjjain lea ahte eambbosat ožžot divššu áiggil ja cevzet jus buohccájit vuoiŋŋaščaskkástagain.
Dávdamearkkat
Diehtojuohkin galgá oahpahit olbmuid makkár dávdamearkkat vuoiŋŋaščaskkástagas leat. Jus olbmot dihtet eambbo dávdda birra, de jáhkket sin dakkaviđe riŋget heahtenummirii jus ballet iežaset buohccán vuoiŋŋaščaskkástagain.
Jus šaddá váttis hállat, moddját dahje loktet gieđa, de sáhttá olbmos vuoiŋŋaščaskkástat. Dalle galgá riŋget 113, juohke sekunddas lea mearkkašupmi jus dán dávdii fáhtehallá
