Cuoŋománu 12.-14. beivviid čalmmustahttet Finnmárkku NAV-kantuvrrat bargoaddibeaivvi vuosttaš háve.
Cuoŋománu 12.-14. beivviid čalmmustahttet Finnmárkku NAV-kantuvrrat bargoaddibeaivvi vuosttaš háve.
– Mii áigut čuvget ovttasbarggu bargoaddiiguin, ja man dehálaččat dat leat sidjiide geat eai leat ožžon juolggi bargomárkanii, lohká NAV Finnmárkku seniorráđđeaddi Eva-Lill J. Margit.
Ovttas bargoaddiiguin
Eurohpálaš bargoaddibeaivvi čalmmustahttet buot EU-riikkain, ja Islánddas ja Norggas. Muhtin NAV-kantuvrrat fitnet dáid beivviid báikkálaš fitnodagain ja doaimmain hupmame NAV ovttasbarggu birra, muitala Margit.
– NAV galgá oažžut olbmuid bargat, muhto mii eat ráhkat daid bargguid. Mii dárbbašit ovttasbargat bargoaddiiguin geat sáhttet virgádit bargiid. Danne áigut mii diehtit maid fitnodagat dárbbašit ja movt mii sáhttit veahkehit, lohká son.
Hámmárfeastta NAV-kantuvrras leat 18 bargi gergosat finadit fitnodagain.
– Mii háliidit humadit nu ollu bargoaddiiguin go vejolaš. Mii áigut muitalit movt mii sáhttit leat veahkkin oččodit bargiid, muitala NAV Hammárfeastta beaivválaš jođiheaddji, Vigdis Holmgren Svendsen.
