-Almmuhus-
-Almmuhus-
KULTUVRAČalmmustahttet ávvujagi ođđa siŋgeliin

Čalmmustahttet ávvujagi ođđa siŋgeliin

Neahttaredaktevra

-

-

Duolva Duottar almmuhii odne, duorastaga siŋgela «Samestaten» ja leat ge de vuosttaš sámi artisttat mat dán jagi čalmmustahttet sámi ávvujagi musihkain.

Duorastaga ođđajagemánu 5. beaivvi almmuha Duolva Duottar siŋgela «Samestaten» digitála kanálain miehtá máilmmi. Dan beasat gullat dás vuollelis.

Siŋgelalmmuhemiin čalmmustahttet sámiid ávvujagi, ja dán dahket ovdal joavkku gierdomátkki man čađahit guovvamánus. 

Sii čuojahit maid ávvukonsearttas ávvudoaluin Troanddimis Tråante 2017 doaluid oktavuođas.

 

Stohket gáttuiguin
«Samestaten» lávlagis leaikkastallet dainna gáttuin mii gávdno ahte sápmelaččat dáhtošedje sierra stáhta.

Lávlagis bisuhit ain iežaset vuogi, mii lea energiija ja dakkár refreaŋŋa mii darvána muitui.

– Joavku illuda sákka ja leat diehttelasat hui rápmásat ođđa lávlagiin, mii čalmmustahttá ávvujagi álggu, čállá Audioland skearrolágádus preassadieđáhusastis.

(Ášši joatká gova vuolábealde)


OĐĐA SIŊGEL: Duolva Duottar lea dál almmuhan ođđa siŋgela man leat gohčodan «Samestaten».
Preassagovva: Ingemund Skålnes/Duolva Duottar/Audioland
 

Almmuhit albuma 2017:s
Duolva Duottar lea Guovdageainnu rapjoavku.

Sii leat áidna sámi artisttat mat goassege leat beassan gitta finálii «Norske talenter» prográmmas.

2008 rájes lea Duolva Duottar bargan garrasit háhkat iežaset ovdanbuktinvuogi ja leat ovdánahttán erenoamáš jietnagova ja čielga musihkalaš identitehta. 

Dál sii leat beakkánat miehtá Davvikalohta.

2017:s lea joavku áigeguovdilat fas ođđa skearruin man gohčodit «Tundra Sound».

Siŋgela lea Klemet Anders Buljo buvttadan, šuoŋa lea Fred René Buljo ráhkadan ja teavstta leaba Fred René Buljo ja Ole Máhtte Hætta Gaup čállán.
 

Ođđa siŋgela sáhtát gullat dás, ođasmahte siiddu jus ii iđe vajot:

 

 

-Almmuhus-