Dássážii leat čakčamánus jápmán eanemus olbmot johtolagas. Trygg Trafikk logut čajehit ahte čakčamánus leat 16 olbmo duššan johtolagas.
Diibmá lei čakčamánnu dat mánnu go dušše unnimusat olbmot johtolagas, muhto dán jagi lea nuppeládje. 15 dievddu ja okta nissonolmmoš dušše johtolagas čakčamánu.
Ledje gávcci biilavuoddji, njeallje mohtorsihkkelvuoddji, golbma vázzi ja okta ATV-vuoddji geat dušše.
Guđas dain geat dušše ledje gaskkal 45-64 jagi, viđas ledje gaskkal 25-44 jagi, guovttis badjel 65 jagi ja guovttis gaskkal 16-24 jagi. Ii oktage gaskkal 0-15 jagi.
70 olbmo duššan johtolagas dán jagi
Dán rádjái leat Norggas duššan oktiibuot 70 olbmo johtolagas. Jus buohtastahttá loguid diimmá ektui, seamma áiggis, de leat dán jagi njeallje olbmo eanet duššan go diibmá.
– Dán jagi leamašan vejolašvuohta unnidit duššanloguid diimmá ektui, muhto suoidnemánus, borgemánus ja čakčamánus leat dađi bahábut leamašan olu jápminlihkohisvuođat. Oktiibuot leat 38 olbmo duššan dán golmma mánus, dieđiha Trygg Trafikk.
(©NTB)
