Maŋemus logi jagi leat 13 sihkkelasti duššan johtolagas, 21:s leat bahut roasmmohuvvan dahje leat heaggaváras. 468 maid roasmmohuvve geahppaset johtolagas.
Statistihkka čájeha ahte čakčamánnu lea váráleamos mánnu sihkkelastiide.
– Čakčaseavdnjat sáhttá oalle jođánit boahtit ja ollugat vajáldahttet leat oidnosis seavdnjadasas. Lámpa ja šelggon lea hálbbes dáhkádus, muhto dattetge leat ollugat geat eai geavat dakkár rusttegiid. Dat lea stoahkat iežas eallimiin, lohká Tryg Forsikring eastadančeahppi Øyvind Setnes.
Maŋemus logi jagi lihkohisvuođat mas lea sihkkelasti roasmmohuvvan dahje duššan:
Ođđajagemánnu 6
Guovvamánnu 13
Njukčamánnu 21
Cuoŋománnu 35
Miessemánnu 68
Geassemánnu 65
Suoidnemánnu 41
Borgemánnu 66
Čakčamánnu 71
Golggotmánnu 40
Skábmamánnu 29
Juovlamánnu 13
Vaikko lea geatnegáhtton geavahit čuovgga sihkkelis, de leat ollugat geat vánddardit šelggona ja čuovgga haga.
Jus bissehalat čuovgga haga, de sáhkkohalat 1150 ruvnnuin. Biilavuoddji ii oainne sihkkelasti ovdal go lea vuollel 30 mehtera ovddabealde go leat oanehisčuovggat alde.
Iskosat čájehit ahte sihkkelastit eai dieđe man hejot sii oidnojit seavdnjadasas, ja sáhttet sihkkelastit beare jođánit dilálašvuođain go ii berre dahkat dan.
Dá lea fylkkastatistihkka maŋemus logi jagi mas sihkkelastit leat roasmmohuvvan dahje duššan:
Oslo 104
Rogalánda 41
Akershus 40
Hordalánda 39
Trøndelága 30
Vestfold 28
Nordlánda 21
Buskerud 18
Oarje-Agder 16
Østfold 16
Telemárku 14
Møre og Romsdal 13
Romsa 10
Hedemárku 9
Opplánda 9
Aust-Agder 6
Sogn ja Fjordane 3
Finnmárku 0