-Almmuhus-
OĐĐASATČakča sáhttá leat heaggavárálaš – muitte šleđggona!

Čakča sáhttá leat heaggavárálaš – muitte šleđggona!

-

-

Seavdnjat ja njuoska luottat, vuoddjit geat hejot oaidnet ja vázziolbmot sleđggona haga lea heaggavárálaš kombinašuvdna. – Mii diehtit ahte vuorraset biilavuddjiin lea olu heajut oaidnu go nuorain seavdnjadasas. Muitte šleđggona, dat lea hálbbes eallindáhkádus, dadjá NAF gulahallanhoavda.

Oaidnu rievdá mađi boarráseabbon olmmoš šaddá ja lihkohisvuođa riska maid stuorru. 60-jahkásažžan leat massán badjel beali dan idjaoainnus mii dus lei go ledjet 20-jahkásaš. 

– Hedjonan oaidnu ja seavdnjasa sáhttá dagahit várálaš johtolatdilálašvuođaid. Earenoamážit vázziolbmuide ja sihkkelastiide. Jus geavahat šleđggona, de unnu riska vuojáhallat 85 proseanttain, dadjá NAF gulahallanhoavda, Camilla Ryste preassadieđáhusas.

 

Vuođđonjuolggadus johtolagas

Leat čielga njuolggadusat sihke biilavuddjiide, vázziolbmuide ja sidjiide geat sihkkelastet, vai galggašii eastadit várálaš johtolatdilálašvuođaid.

 

Buohkain lea šleđggon, muhto eai geavat dan

Livččii galgat liikká lunddolaš geavahit šleđggona go biilaboahkána biillas go dainna vuodjá. Biilavuoddjis galgá vejolašvuohta oaidnit du seavdnjadasas.

– Badjel 90 proseantta geavahit biilaboahkána, ja mihttu ferte ahte liikká oallugat geavahit šleđggona. Dan galggašii oažžut lunddolažžan go vánddarda seavdnjadin olgun, dadjá Ryste ja lasiha:

– Šleđggon lea liikká dehálaš gávpogiin gos leat čuovggat olgun go sevdnjes luoddaráiggiid.

 

Mo oidnot buoremusat?

Buoremusat oidnot jus geavahat šleđggonveastta. Jus geavahat earálágan šleđggona, de berre dat heaŋgát čibbeallodagas vai biilačuovggat čuvget dasa. Jus dus lea šleđggon goappašat bealde, de dat maid dagaha du eambbo oidnosii.

– Buot biilavuddjiid ballu lea vuodjit olbmo njeaiga. Mii fertet ovttasbargat ja dahkat iežamet eambbo oidnosii go leat olgun vánddardeame, dadjá Ryste.

-Almmuhus-