Borgemánu maŋemus beivviid čájehit arkiteavttat, Statsbygg ja Sámi joatkkaskuvla ja boazodoalloskuvla boahttevaš skuvla- ja teáhtervistti.
Sámi joatkkaskuvlla ja boazodoalloskuvlla rektor Mathis P. Bongo muitala Ávvirii ahte borgemánu 30. ja 31. beaivvi lea álbmotčoahkkin boahttevaš skuvla- ja teáhtervistti birra Guovdageainnus.
– Sihke Statsbygg, Econor ja arkiteakta bohtet čoahkkimii ja de besset olbmot boahtit geahččat ja jearrat dan maid háliidit sihke vistti ja maid viessosaji birra. Muđui ge dan birra mii guoská álbmogii ođđa vistti ektui, dadjá Bongo.
Son muitala ahte dál ii váillo eará go ahte boađášii vel stádabušehttii ovdal go huksenbarggut duođas álggahuvvojit.
– Buot áigemearit orrot dollojuvvome ja jus dál ruhtadeapmi vel livččii sajis, de šattašii leahttu huksenbargguin.
Álbmotčoahkkin lea Sáhkaskáiddi lanjas, Diehtosiiddas Guovdageainnus borgemánu 30. beaivvi.
