-Almmuhus-
-Almmuhus-
OĐĐASAT Čájehat beassáškonseartta nuvttá sotnabeaivvi diibmu 19

Čájehat beassáškonseartta nuvttá sotnabeaivvi diibmu 19

-

-

Neahttasiidu ii doaibman šat go Ávvira beassáškonseartta galggai álgit ja nu maŋŋonii konsearta. Dál šalloša Ávvir ja sádde konseartta nuvttá sotnabeaivvi diibmu 19. – Dán háve boahtá konsearta maid Digitalscenen Facebook siidui, lohká Ávvira váldodoaimmaheaddji Kari Lisbeth Hermansen.

Teknihkalaš váttisvuođat skilleduorastaga dagahii ahte Ávvira beassáškonseartta ii álggahuvvon ovdal beannotdiimmu maŋŋel go galggai. Ávvira váldodoaimmaheaddji Kari Lisbeth Hermansen šálloša go nu šattai.

– Guokte minuhtta váile ovcci játtai min siidu. Mii eat leat vel sihkkarat mii lea geavvan. Dat ii doaibman goit šat. Dat lea hui váivi min mielas. Leimmet illudan bidjat konsearta johtui, muitala Hermansen ja joatká:

– Šállošit ahte šattai nie. Danne leat mearridan ovttas artistaidguin ahte čájehit vel oktii konsearta sotnabeaivvi diibmu 19. Konsearta oidno www.avvir.no siiddus ja velá Digitalscenen nammasaš Facebooksiiddus man 150 000 olbmo čuvvot.

Huššas eahket

Hermansen muitala ahte šattai oalle hušša maŋŋel go neahttasiidu rávggai. Beannotdiibmu manai bidjat johtui konseartta, ja dasalassin gulahallat lohkkiiguin.

Son dadjá ahte ihkká leat ožžon ruovttoluottadieđuid olbmuiguin ahte ledje duhtavaččat go besse návddašit musihkka beassážiid.

Eahpesihkkarat mii lei sivván

Ávvira IT-ovddasvástideaddji Per Christian Biti ii loga vel diehtit mii lei boastut.

– Mii eat sáhtte sihkkarit vel dadjat maide. Min neahttalágideaddji galgá buktit eanet dieđuid maŋŋel beassážiid. Sii ledje mielde ja njulgejedje boasttuvuođaid, vai mii beasaimet čađahit konseartta nu go plánejuvvon, dadjá Biti.

VIPPS JA SWISH

Sotnabeaivvi diibmu 18 čájehat konseartta nuppádussi. Dan oainnát www.avvir.no siiddus ja Digitalscenen Facebook siidu streame konseartta. Lea ain vejolaš vippset artistaide: 

29430 (Oktasaš artista-vipps. Čális diehtun: ÁVVIR go vippset) dahje vippse dahje swishe njuolgga artistii:

MARIANNE PENTHA – VIPPS: 602567 IVAN BULJO VIPPS: 29430 (Oktasaš artista-vipps. Čális diehtun: ÁVVIR go vippset)

SAARA HERMANSSON 29430 (Oktasaš artista-vipps. Čális diehtun: ÁVVIR go vippset)

KALLE URHEIM VIPPS: 598017 SWISH: +46 705195592 (co-partner)

EMIL KARLSEN – VIPPS: 40229177

AMUND JOHNSKARENG – VIPPS: 41679491

SARA AJNNAK SWISH: +46702094306

ANNE INGER JA MÁRET ELISABETH – VIPPS 602171

INGÁ-MÁRET GAUP JUUSO – VIPPS: 45676160

KATARINA BARRUK: Swish: +4670 383 44 90 Vips: 958 54 632 (Katarinas čuojaheaddji)

SARA MARIELLE GAUP BEASKA VIPPS: 95557256

JA DE DIEĐUSGE LEA MIS GILVU GE: Mii vuorbádat 10 flaksavuorbbi! Bidjal Instagramii gova dahje filmma du dánsenláhtis dahje dan botta go juoiggat olles čoddagin ja gilkurastte dan: #avvirkonsearta

- Advertisement -
-Almmuhus-