Aino Hivand njuohtangovat čájehuvvojit Davvi álbmogiid guovddážis Olmmáivákkis, boahtte lávvardaga rájes.
Aino Hivand njuohtangovat čájehuvvojit Davvi álbmogiid guovddážis Olmmáivákkis, boahtte lávvardaga rájes.
Aino Hivand lea 2015 guossedáiddár Davvi álbmogiid guovddážis, ja iežas čájáhusas man lea gohčodan «Mátki», leat 18 dáidaga. Gávcci dáin leat ođđa 8 ođđa njoahtangova mat gullet Epew nammasaš prošektii. Dás leat Hivand govat ja lávlagat maid Carlos Alfredo Jeldes-Ramírez (riegádan Quilpué, Chiles) ja musihkka ja govat gullet oktii.
– Govat Epew prošeavttas čujuhit sámiid 8 jahkodahkii, ja dat speadjalastet daid siskkáldas jahkodagaid maid mii buohkat guottašit. Nuohtat ja govat buvttihit ovdan áibbašeami, buorrevuođa, ráhkisvuođa ja dovddolašvuođa. Musihka dimisvuohta ja várrugasvuohta heivejit jahkodagaide, ja Hivanda govaid gehppes čađačuovgi ivdnáivuohta lea vuolgán musihkkara ja dáiddár bures ovttas doaibmamis, čállet Davvi álbmogiid guovddážis preassadieđáhusasteaset.
– Hivand dovddahanvuohki lea abstrákta ja ekspressionisttalaš. Su sierralágan dáiddalaš bargovuohkái gullet gehppes vuoiddadeamit ja bures oktii heivejeaddji ivnnit, pasteallaid rájis cahkkadis ivnniid rádjai. Ivnnit ja motiiva rievddadit dan mielde makkár daid birasčuovga lea, ja nu dain lea niegulágan čađačuovgi váikkuhus, čállet guovddážis.
Čájáhus rahppo lávvardaga skábmamánu 28. beaivvi, diibmu 13.00.
