-Almmuhus-
-Almmuhus-
-Almmuhus-
SMÁVVAOĐĐASATČájeha dánsun­čájálmasa ruovttu­báikkis

Čájeha dánsun­čájálmasa ruovttu­báikkis

-

-

Ovdal Guovdageidnui ollejit, de fitnet čájálmasain riikkaidgaskasaš festiválain. 

Čakčamánu 10. beaivvi sáhttá viimmat geahččat rámiduvvon dánsunčájálmasa «Vástádus Eana – The Answer is Land» Guovdageainnus. Das lea guovdageaidnulaš Elle Sofe Sara koreográfa. Čájálmas lea ovdalaččas čájehuvvon earret eará Oslos, Romssas, Hársttáin ja Hámmerfeasttas. Ovdal go čájálmas olle Guovdageidnui, de čájehuvvo maid máŋgga riikkaidgaskasaš festiválain, earret eará Tanz Im August Berlinas Duiskkas, Julidans Amsterdamas Hollánddas ja Icehot Helssegis Suomas.

DÁNSUN: Govva «Vástádus Eana» čájálmasas, man Elle Sofe Sara lea koreograferen. Govva: Antero Hein.
DÁNSUN: Govva «Vástádus Eana» čájálmasas, man Elle Sofe Sara lea koreograferen. Govva: Antero Hein.

– Mun lean guhká háliidan oažžut čájálmasa iežan ruovttubáikái, ja in báljo máhte čilget man guovddáš ja mávssolaš dat lea munnje. Mun sávan olbmot bohtet teáhterii geahččat dán, dadjá koreográfa Elle Sofe Sara preassadieđáhusas.

Čájálmas smiehttá dánsumiin ja luđiin man fámolaš searvevuohta lea ja dihtomielalašvuohta eatnama hárrái mas mii buohkat leat ja maid mii juogadit. Koreografiija jurdda riegádii miellačájehemiid, sámi vuoiŋŋalaš práksisiid ja formašuvdnadánsuma vuođul. Čájálmasa vuođđun leat máŋggajienat juoigamat. Daid lea komponeren Frode Fjellheim.

-Almmuhus-