Saviomuseas álggahuvvo ođđa čájáhus njukčamánu 18. beaivvi, mas lea namma «Olggos viiddis máilbmái».
Jan-Erik Lundström, dáiddahistorihkkár ja Sámi dáiddaguovddáža ovddeš direktevra, rahpá čájáhusa. Berit Alette Mienna ges galgá juoigat ja doppe boahtá maid leat diktalohkan.
OLGGOS VIIDDIS MÁILBMÁI – dialogas John Savio dáidagiin, lea Saviomusea Girkonjárggas ja govvadáiddára Bente Gevinga čájáhusovttasbargu, gos Gevinga govat čájehuvvojit ovttas muhtun John Savio gráfalaš dáidagiiguin.
Čájáhus čájehuvvo Saviomuseas Girkonjárggas 18.03.–01.10.2023.