-Almmuhus-
OĐĐASATČáhppes suovva gasku duoddara

Čáhppes suovva gasku duoddara

-

-

Davvi-Norgga Váldogádjunsentrála lea sádden helikoptera iskat mii lea suovaid mii lea dieđihuvvon Ásteváris, gaskal Guovdageainnu ja Kárášjoga gaskavahkku iđđedis. Ástevárri lea Čoavddatmohki lulágeahčen.

– Mii eat dieđe manne doppe lea čáhppes suovva. Danne leat sádden helikoptera dohko. Sáhttá leat ahte muhtin lea bivdiime veahki, dahje ahte lea juoga buollime, lohká Davvi-Norgga Váldogádjunsentrálabargi Finn Tore Sortland iFinnmark:ii

Diibmu 11is ii lean vel helikopter ollen báikái, čállá iFinnmark.

 

Ohcet ain

Nuorta-Finnmárkku operašuvdnajođiheaddji Gunnar Øvergård muitala Ávvirii ahte helikopter lea ain ohcame suova, muhto ii gávnna dan suova. Sii ohcet ain  viidáset, muhto eai sáhte dadjat mii dat lea.

 

Heaittihedje ohcama

Ovdalaš diibmu 13 heaittihedje ohcama go eai gávdnan maidege, čállá iFinnmark.
– Sii eai gávdnan maidege. Lei buorre ohcandálki ja leat maid ohcan kamerain mas oaidná lieggasa, muitala Davvi-Norgga Váldogádjunsentrálabargi Jakob Carlsen

Politiijat ledje maid skohteriiguin guovllus.
– Lea váttis diehtit mii dat lei. Ledje ártegis hámit balvvain, in ge áiggo čuoččuhit ahte lei dat maid dieđiheaddji lei oaidnán, muitala Carlsen iFinnmarkii.
Ii leat okta ge dieđihuvvon lahppon dan guovllus.

-Almmuhus-