Ávžžuhan olbmuid geat čuvvot Mortena mátkki ahte dat čáhkkedit saji erenoamážit dán guovtti biilii, go dat galget leat gárvá gádjut Mortena jus mihkkege geavvá
Ávžžuhan olbmuid geat čuvvot Mortena mátkki ahte dat čáhkkedit saji erenoamážit dán guovtti biilii, go dat galget leat gárvá gádjut Mortena jus mihkkege geavvá
– Mis lea guokte čahppes pick-up biillat mat fievrredit guokte gádjunfatnasa, jođus vulos. Nubbi vuodjá Suoma bealde ja nuppe ges Norgga bealde ja galget leat gárvvis veahkehit Morten Bliena jus bártida, lohká Oddmund Martinsen gii bargá Team Blien Racing joavkkus.
– Ávžžuhan olbmuid geat čuvvot Mortena mátkki ahte dat čáhkkedit saji erenoamážit dán guovtti biilii, go dat galget leat gárvá gádjut Mortena jus mihkkege geavvá, lohká Oddmund Martinsen ja lasiha:
– Dás lea sáhka 25 miillas, olu sáhttá dáhpáhuvvat vaikko Morten Blien lea sávri sihke silolaččat ja rumašlaččat.
Nubbi fanas lea fiskat ja nubbi ges vielgat. Biillain lea fiskes čuovga robi alde mii šleađgá.
Team Blien Racing joavkkus leat 36 olbmo geat leat veahkeheamen deatnulačča Morten Bliena olahit máilmmeolahusa skohteriin vuodjit čázi alde.
– Morten doallá várra 55 kilomehtera leavttu go vuoddjá vulos Kárášjoga ja Deanu, lohká Oddmund Martinsen. Muitala Blienis lea dievva mekanihkkárat geat veahkehit su olles mátkkis.
– Dán mátkkis leat mis olbmot guktui beal rájá, sihke Suoma bealde ja Norgga bealde.
